Presidentja e republikës së Kosovës, Atifete Jahjaga ndodhet për një vizitë zyrtare në vendin tonë, ku do të zhvillojë takime me liderët e politikës në vend.
Paraditen e sotme, Jahjaga është pritur nga homologu i saj, Bujar Nishani dhe më pas të dy presidentët kanë zhvilluar një konferencë të përbashkët për shtyp.
Në fjalën e tij gjatë kësaj konference, Nishani ka shprehur mbështetjen e plotë të vendit tonë në të gjitha sfidat që po kalon Kosova si një shtet i ri i pavarur.
Nishani i ka vlerësuar si të rëndësishme nismat e përbashkëta mes dy qeverive për unifikimin e programeve kulturore dhe njësimin e kurrikulave në arsim.
Kreu i shtetit ka theksuar se Shqipëria mbështeti krijimin e Gjykatës Speciale, si e vetmja mënyrë për të mos tjetërsuar luftën e popullit të Kosovës kundër gjenocidit.
Nga ana e saj, Presidentja Jahjaga ka shprehur falenderimet në emër të popullit të Kosovës, për mbështetjen e pakursyer që institucionet shqiptare i kanë dhënë shtetit të Kosovës në rrugën e konsolidimit të tij.
10 shtator 2015 (gazeta-Shqip.com)
Ky shkrim Nishani pret Jahjagën: Gjykata Speciale, s’mund të tjetërsohet lufta e popullit ndaj gjenocidit u publikua me pare te Gazeta SHQIP Online.