Një krim i rëndë ka ndodhur sot pasdite në Tiranë, ku vëllai ka vrarë vëllain me armë gjahu dhe plagos nënën. Mësohet se ngjarja ka ndodhur në zonën e Valiasit dhe autori është vetëdorëzuar.
Nga ana e punonjësve të policisë është bërë arrestimi në flagrancë i autorit të dyshuar për këtë ngjarje kriminale shtetasi Afrim Kallari, 43 vjeç. Arrestimi i tij u bë pasi dyshohet se ka vrarë vëllanë e tij me arme gjahu, çifte, E.Kallari 36 vjeç.
Gjithashtu nga ky konflikt dyshohet të jetë plagosur në këmbë e nëna e tyre, B. Kallari.
Në cilësinë e provës materiale është sekuestruar një armë gjahu,çifte, e përdorur nga autori për kryerjen e veprës penale. Nga hetimet paraprake dyshohet se shkak i këtij konflikti është një çështje pronësie.
2 qershor 2016 (gazeta-Shqip.com)