Deputeti i Partisë Socialiste Koço Kokëdhima, ka sqaruar se ka kërkuar votëbesim në Kongresin e PS-së si përgjigje ndaj disa kritikëve brenda partisë, para së gjithash ndaj Gramoz Ruçit. Kreu i Grupit Parlamentar të PS-së, tha gjatë kongresit që projektet-pilot për Jugun e vendit janë të nxituara.
“Kërkova votëbesim për t’iu përgjigjur disa kritikëve, – Kokëdhima. – Kritikët folën për projektin që kam aplikuar në jug dhe kërkesa ime për votim nuk ka lidhje me dëgimin e mandatit tim në Kushtetuese. Projekti im në jug u përqafua masivisht nga delegatët”.
Ndërkohë, sipas burimeve mediatike, mbledhja e grupit parlamentar të PS-së është shoqëruar me përplasje mes Kokëdhimës dhe Ruçit.
Kokëdhima i ka kërkuar sqarime Rucit pse nuk është njoftuar për çështjen e dërgimit të mandatit të tij në Gjykatën Kushtetuese. “Pse nuk u vura në dijeni që do të diskutohej mandati im?”.
Ndërkohë që Ruçi i ka kthyer të njëjtën përgjigje si në javën e shkuar: “Zbatuam rregulloren e grupit parlamentar”.
Mbledhja ka zgjatur rreth 30 minuta dhe pas përfundimit, nuk ka folur asnjë nga deputetët socialistë, përfshirë dhe kryeministrin Rama. Deputeti Ben Blushi u mjaftua me një frazë të shkurtër: “Jua thotë të gjitha Ruçi”.
21 mars 2016 (gazeta-Shqip.com)