Dy persona kanë humbur jetën në një aksident automobilistik të ndodhur ditën e sotme në dalje të Tiranës, te Ura e Farkës.
Dy automjete, një “Alfa Romeo” me targa AA 378 EE, me drejtues shtetasin Denis Dervishi dhe një mjet furgon me targa TR 7659 G, me drejtues Alban Stafa janë përplasur me njëri-tjetrin.
Për pasojë ka humbur jetën shtetasi Denis Dervishi dhe një shtetas tjetër që udhëtontë me të, identiteti i të cilit ende nuk dihet.
Për shkak të përplasjes së fortë trupat e viktimave kanë mbetur të bllokuar për disa minuta, pasi dyert e mjetit nuk hapeshin.
Në vendngjarje kanë shkuar forcat zjarrfikëse të cilët kanë bërë të mundur nxjerrjen e trupave nga makina.
Ndërkohë, policia ka nisur hetimet për zbardhjen e shkaqeve të aksidentit të rëndë.
9 shkurt 2016 (gazeta-Shqip.com)