Një kambist, i cili sapo kishte mbërritur nga Tirana në Fier, është grabitur nga dy persona të armatosur, të cilët i kanë marrë rreth 8 milionë lekë të reja.
Ngjarja, ka ndodhur në lagjen “Sheq i Madh” dhe kambisti quhet Artur Çepele, i cili është plagosur me armë dhe levë në tualetin e një lokali nga dy personat e maskuar para se t’i merrnin sasinë e parave.
Sipas burimeve policore, mësohet se Artur Çepele ka ikur në Tiranë me një makinë të rastit. Pasi ka thyer eurot në lekë është ndjekur nga grabitësit deri në Fier
Kambisti është goditur me armë dhe levë në tualet dhe tashmë ndodhet jashtë rrezikut për jetën.
Vijon…
16 tetor 2015 (gazeta-Shqip.com)
Ky shkrim Grabitet kambisti në Fier, e plagosin dhe i marrin 8 mln lekë u publikua me pare te Gazeta SHQIP Online.