Në kuadër të aksionit të nisur prej ditësh nga qeveria në luftën kundër informalitetit, në Fier dhe në Korçë janë ndaluar 8 inspektorë tatimesh për veprën penale “shpërdorim detyre”.
Sipas një njoftimi të policisë, në Fier janë ndaluar 2 inspektorë dhe një administrator i një subjekti që fshihte të ardhurat.
Bëhet fjalë për shtetasit Bledar Velaj dhe Ermira Sali, të dy me detyrë inspektorë. Ndërkohë është proceduar penalisht në gjendje të lirë edhe drejtori i drejtorisë rajonale të tatimeve.
Ndërsa në Korçë, do të ndiqen penalisht 6 inspektorë tatimesh, të cilët ishin me detyrë në grupin e verifikimit në terren, si dhe janë proceduar 3 ish-punonjës të tatimeve. Po ashtu, do të procedohet në gjendje të lirë pronari i një hoteli për fshehje të ardhurash, DH.L., 61 vjeç.
11 shtator 2015 (gazeta-Shqip.com)
Ky shkrim Informaliteti, procedohen penalisht 8 inspektorë tatimesh në Fier e Korçë u publikua me pare te Gazeta SHQIP Online.