Policia e Vlorës ka arrestuar në flagrancë për “Vrasje nga pakujdesia”, shtetasin Fatmir Kuçi, 44 vjeç, banues në Elbasan.
Arrestimi i tij u bë pasi ditën e djeshme rreth orës 11:00, në zonën bregdetare të quajtur “Livadh” i Himarës, ky shtetas duke drejtuar mjetin lundrues tip skaf-plastik me mbishkrimin “Black Arrow”, dyshohet se ka dëmtuar aksidentalisht shtetasin Rus D.K., i cili ka gjetur vdekjen për shkak të plagëve të marra, në spitalin e Himarës.
Policia ka sekuestruar dhe konfiskuar 2 mjete lundruese në përdorim dhe në pronësi të Kuçit; mjetin lundrues skaf-plastik me mbishkrimin “Black Arrow”, 11.73 m i gjatë dhe 3.20 m i gjerë, me 3 motorë – 275 KF secili dhe mjetin lundrues motor-deti me emrin “Viktoria-3”, pa dokumentacion përkatës.
4 gusht 2016 (gazeta-Shqip.com)