Policia e Këlcyrës ka asgjësuar rreth 12.000 bimë kanabis. Bimët narkotike me gjatësi nga 20-40 cm u zbuluan dje në vendin e quajtur “Allangjyz Meshahaj”, në afërsi të fshatit “Bubës i Dytë”. Ato ishin të kultivuara në një parcelë të hapur rishtas.
Bimët u asgjësuan me anë të djegies, ku një pjesë e tyre u sekuestruan në cilësinë e provës materiale.
Materialet i kaluan Prokurorisë të Rrethit Gjyqësor Përmet për veprën penale “Kultivimi i bimëve narkotike”. Policia po punon për identifikimin dhe kapjen e autorëve.
16 qershor 2016 (gazeta-Shqip.com)