Një pikë për transferta parash në Shkozet të Durrësit ka rënë pre e grabitësve.
Ngjarja ka ndodhur mëngjesin e sotëm, ku dy presona të armatosur me dhe të maskuar me skafandra motori kanë hyrë në pikën e transfertave nga pjesa e pasme e dyqanit, në momentin që brenda tij kanë qenë vetëm punonjësit.
Nën kërcënimin e armëve ata kanë mundur të marrin një sasi parash shumta e saktë e të cilave ende nuk dihet.
Rreth 20 persona, kryesisht me precedentë janë shoqëruar nga policia e qytetit bregdetar.
Policia ka sekuestruar gjithashtu edhe kamerat e sigurisë së biznesit me qëllim identifikimin dhe arrstimin e autorëve të grabitjes.
4 maj 2016 (gazeta-Shqip.com)