Prokuroria e Fierit, ka pushuar hetimin ndaj ministrit të Brendshëm, Saimir Tahiri. Hetimi ndaj tij kishte nisur fill pas deklaratave të ish-shefit të Antidrogës në Fier, Dritan Zagani. Sipas organit të akuzës, Zagani ka nxjerrë të dhëna hetimore.
Aktualisht Dritan Zagani është shpallur në kërkim ndërkombëtar. Ai akuzoi ministrin e Brendshëm për lidhje me trafikantët e drogës. 33-vjeçari nga Bushati i Shkodrës, ish-shef i Antidrogës në Fier, u arrestua kohë më parë për dekonspirim të një aksioni policor pas një kërkese të Shërbimit për Çështje të Brendshme dhe Ankesa. Gjatë vlerësimit të masës së sigurisë, Zagani u la me arrest shtëpie dhe më pas u largua drejt Italisë.
22 janar 2016 (gazeta-Shqip.com)