Nga Elbasani, ministri i Brendshëm, Saimir Tahiri ka folur për takimin që ka bërë paraditen e sotme me kreun e Kuvendit, Ilir Meta. Ai e ka cilësuar si një takim rutinë dhe që bëhet edhe në sajë të bashkëqeverisjes.
“Fakti që bashkëqeverisim bën të kemi takime të shpeshta pune. Mazhoranca është solide dhe e qëndrueshme, vendit i duhet një opozitë funksionale. Opozita ka ende shumë rrugë dhe vite, përpara se të bëhet një opozitë e shëndoshë”, është shprehur Tahiri.
Gjithashtu Saimir Tahiri është bërë zyrtari i parë i lartë socialist pas thellimit të aferës CEZ, që ka mohuar një koalicion të mundshëm PS – PD, skenar që ka qarkulluar këto dite. Ministri i Brendshëm ka ironizuar një mundësi të tillë, kur tha se Lulzim Bashës duhet t’i lihet koha e mjaftueshme për ta bërë opozitën serioze si fillim.
“Opozita ka shumë rrugë përpara, dhe vitet që ka përpara do i mjaftojnë besoj për tu kthyer në opozitën e shëndoshë që ka nevojë vendi dhe qytetarët”, vijoi Tahiri.
30 shtator 2015 (gazeta-Shqip.com)
Ky shkrim Tahiri takon Metën: Mazhoranca është solide u publikua me pare te Gazeta SHQIP Online.