Mijëra besimtarë shqiptarë janë mbledhur mëngjesin e sotëm në bulevardin “Dëshmorët e Kombit” për të falur namazin e Kurban Bajramit. Nënkryetari i Komunitetit Mysliman të Shqipërisë, Bujar Spahiu uroi të gjithë shqiptarët që të kenë dashuri e hare në familjet e tyre, ndërsa tha se në këtë festë harrohen urrejtjet dhe njerëzit shtrijnë dorën e pajtimit.
Edhe kreu i bektashinjve, Baba Mondi u është drejtuar me një urim të gjithë besimtarëve myslimanë me rastin e festës së Kurban Bajramit.
“Mbarë bota myslimane do të përjetojë emocionet e ditës së Kurban Bajramit, mëshirës universale dhe mirësisë hyjnore. Si çdo ditë e vitit hyjnor, ne presim 24 shtatorin me urimet më të mira për familjen, për njëri-tjetrin, për fqinjët tanë, të kujtdo besimit të qoftë, për kombin që të ecë në rrugën e prosperitetit”, tha ai.
24 shtator 2015 (gazeta-Shqip.com)
Ky shkrim Kurban Bajrami, mijëra besimtarë shqiptarë falin namazin në Bulevard u publikua me pare te Gazeta SHQIP Online.