Afati deri në shtator. Vlera e një vote të vlefshme 45 lekë të reja
Herion Mesi
Vlera e një vote të vlefshme që është hedhur në kutitë e votimit në zgjedhjet vendore të 21 qershorit është rreth 45 lekë të reja. Është kjo shifra e përllogaritur nga Komisioni Qendror i Zgjedhjeve, i cili në mbledhjen e së hënës, me certifikimin e “Vendoreve 2015″ do të bëjë dhe rishpërndarjen e fondit të partive të akorduar nga Buxheti i Shtetit në fillim të këtij viti. Konkretisht, fondi i vënë në dispozicion nga buxheti i shtetit për financimin e fushatës zgjedhore të partive politike pjesëmarrëse në zgjedhjet e 21 qershorit, ishte 65 milionë lekë, i cili u pjesëtua nga administrata e KQZ-së me 1.439.377, shifër kjo që korrespondon me numrin e votave të vlefshme të grumbulluara nga partitë politike pjesëmarrëse në këto zgjedhje dhe që fituan jo më pak se 0.5 për qind të votave të vlefshme në shkallë vendi. Rezultati i kësaj përllogaritjeje të bërë nga KQZ-ja është se 45.16 lekë është vlera e një vote të vlefshme. “Vlera 45.16 lekë u shumëzua rast pas rasti me numrin e votave të vlefshme të fituara nga secila parti që përfiton, pra që ka fituar jo më pak se 0.5 për qind të votave të vlefshme në shkallë vendi në zgjedhjet e datës 21 qershor 2015, shifra që del është ajo që përfiton secila parti politike”, thekson KQZ-ja në projektvendimin e saj që pritet të miratohet në mbledhjen e 10 gushtit, që do të shënojë dhe përmbylljen e procesit zgjedhor. Sipas administratës sqarohet gjithashtu se nga kjo shumë do të zbritet fondi i dhënë paradhënie sipas përcaktimeve të nenit 87/3 të Kodit Zgjedhor. Dhe nëse shuma e marrë paradhënie është më e madhe se llogaritja përfundimtare, partia duhet të kthejë fondet në buxhetin e shtetit, në rast të kundërt përfiton fonde shtesë nga buxheti i shtetit.
Përfitueset
Nisur nga ky rishikim, do të jenë 11.688.148 lekë të reja që do tu merren 46 partive që kanë marrë lekë më shumë se ç’kanë fituar vota, dhe që do t’u rishpërndahen 15 partive të tjera. Konkretisht, sa u përket partive politike që përfitojnë fonde sipas rezultatit përfundimtar të zgjedhjeve të datës 21 qershor 2015 ato janë: LSI që përfiton 6.810.293 lekë të reja; FRD-ja që do përfitojë edhe 1.270.697 lekë të reja shtesë; PSM-ja do të marrë 610.074 lekë të reja; PD-ja do të marrë 487.677 lekë të reja; Partia Ora e Shqipërisë do të marrë 401.894 lekë të reja; PUK do të marrë 371.773 lekë të reja; PKD-ja do të marrë 342.240 lekë të reja; PBD-ja do të përfitojë 330.047 lekë të reja; ADS-ja do të marrë 323.454 lekë të reja; ADK-ja do të përfitojë 275.812 lekë të reja; AAK-ja do të përfitojë 184,821 lekë të reja shtesë; PGJ-ja do të përfitojë 107.881 lekë të reja; PLD-ja do të përfitojë 65.723 lekë të reja; PS-ja do të përfitojë 65.151 lekë të reja; dhe PDIU-ja do të përfitojë 40.612 lekë të reja.
Partitë debitore
Sipas përcaktimeve të Kodit Zgjedhor për shpërndarjen e fondit për partitë pjesëmarrëse në zgjedhje, nëse shuma e marrë paradhënie është më e madhe se llogaritja përfundimtare, partia duhet të kthejë fondet në buxhetin e shtetit. Në listën e publikuar dje nga KQZ-ja mësohet se do jenë tashmë 46 parti të cilat kanë tërhequr më shumë para paradhënie sesa rezultati përfundimtar i votimeve, pavarësisht pragut prej 0.5 për qind të votave dhe që tashmë duhet të kthejnë mbrapsht diferencat e tërhequra më shumë. Konkretisht, në projektvendimin e KQZ-së, partitë debitore në buxhetin e shtetit janë: PDS-ja duhet të kthejë 1.321.336 lekë të reja; PDK-ja duhet të kthejë 1.091.229 lekë të reja; PBDNJ-ja duhet të kthejë 1,037,328 lekë të reja; PLL-ja duhet të kthejë 960,145 lekë të reja; AD-ja duhet të kthejë 861,020 lekë të reja; PSD-ja duhet të kthejë 826,966 lekë të reja; PAA duhet të kthejë 685,437 lekë të reja; PR-ja duhet të kthejë 661,159 lekë të reja; PBLD-ja duhet të kthejë 538,424 lekë të reja; PLD-ja duhet të kthejë 458,261 lekë të reja; PBK-ja duhet të kthejë 237,515 lekë të reja; Partia G99 duhet të kthejë 210,531 lekë të reja; PSV ’91 duhet të kthejë 200,057 lekë të reja; PBKD-ja duhet të kthejë 12,764 lekë të reja; LZHK-ja duhet të kthejë 2.643 lekë të reja. Ndërsa: PPKD, PPPKD, AP, PMDL, PPSH, PSHA, PPK, PKSH, PRrL, ABDE, PÇSH, PRDSH, PK 8 Nëntori, PMDE, PLDSH, PPAK, PASH,PLDN, PDRE, MEGA, PDM, PDM e Re, PK, AMIE, PMDPSH, AEE, PBMSH, PEI, Partia Forca Rinia, LDVMP, Partia Fronti i Majtë dhe Partia Socialpunëtore Shqiptare do të kthejnë në buxhetin e shtetit 83,333 lekë të reja secila prej tyre. Sipas projektvendimit të KQZ-së mësohet se afati kohor për kthimin e fondeve nga këto 46 partitë politike do të jetë data 30 shtator 2015. “Kundër këtij vendimi mund të bëhet ankim në Kolegjin Zgjedhor brenda 5 ditëve nga shpallja e tij”, thuhet në projektvendimin e KQZ-së.
PARTITË QË PËRFITOJNË FONDE SHTESË
1 Lëvizja Socialiste për Integrim 6,810,293
2 Fryma e Re Demokratike 1,270,697
3 Partia Socialiste e Moderuar 610,074
4 Partia Demokratike 487,677
5 Partia Ora e Shqipërisë 401,894
6 Partia Unitetit Kombëtar 371,773
7 Partia Kristian Demokrate e Shqipërisë 342,240
8 Partia Bashkimi Demokrat 330.047
9 Aleanca për Demokraci dhe Solidaritet 323,454
10 Partia Aleanca Demokristiane e Shqipërisë 275,812
11 Aleanca Arbnore Kombëtare 184,821
12 Partia e Gjelbër 107,881
13 Partia Ligj dhe Drejtësi 65,723
14 Partia Socialiste e Shqipërisë 65,151
15 Partia Drejtësi, Integrim dhe Unitet 40,612
TOTALI 11.688.148
PARTITË QË DUHET TË KTHEJNË FONDET
1 Partia Demokracia Sociale 1,321,336
2 Partia Demokristiane e Shqipërisë 1,091,229
3 Partia Bashkimi për të Drejtat e Njeriut 1,037,328
4 Partia Lëvizja e Legalitetit 960,145
5 Aleanca Demokratike 861,020
6 Partia Socialdemokrate e Shqipërisë 826,966
7 Partia Agrare Ambientaliste e Shqipërisë 685,437
8 Partia Republikane 661,159
9 Partia Bashkimi Liberal Demokrat 538,424
10 Partia Lidhja Demokristiane e Shqipërisë 458,261
11 Partia Balli Kombëtar 237,515
12 Partia G99 210,531
13 Partia Socialiste e Vërtetë 91 200,057
14 Partia Popullore Kristiandemokrate e Shqipërisë 83,333
15 Aleanca Popullore 83,333
16 Partia Mendimi i Djathtë Liberal 83,333
17 Partia e Punës e Shqipërisë 83,333
18 Partia Shqiptare Atdheu 83,333
19 Partia e Pajtimit Kombëtar 83,333
20 Partia Komuniste e Shqipërisë 83,333
21 Partia Rruga e Lirisë 83,333
22 Aleanca për Barazi e Drejtësi Europiane 83,333
23 Partia e Çështjeve Shqiptare 83,333
24 Partia e Reformave Demokratike Shqiptare 83,333
25 Partia Komuniste e Shqipërisë 8 Nëntori 83,333
26 Partia për Mbrojtjen e të Drejtave të Emigrantëve 83,333
27 Partia Lëvizja për Drejtësi e Shqiptarëve 83,333
28 Partia Personat me Aftësi të Kufizuar 83,333
29 Partia Ardhmëria Shqiptare 83,333
30 Partia Lëvizja Demokratike për Ndryshim 83,333
31 Partia Demokracia e Re Europiane 83,333
32 Minoriteti Etnik Grek për të Ardhmen 83,333
33 Partia e të Drejtave të Mohuara 83,333
34 Partia e të Drejtave të Mohuara e Re 83,333
35 Partia Konservatore Shqiptare 83,333
36 Aleanca e Maqedonasve për Integrim Europian 83,333
37 Partia për Mbrojtjen e të Drejtave të Punëtorëve 83,333
38 Aleanca Europiane Ekologjike 83,333
39 Partia e Bashkimit Mysliman të Shqipërisë 83,333
40 Partia për Europianizimin dhe Integrimin e Shqipërisë 83,333
41 Partia Forca Rinia 83,333
42 Lëvizja Demokratike për Vlera Mirëqenie Progres 83,333
43 Partia Fronti i Majtë 83,333
44 Partia Socialpunëtore Shqiptare 83,333
45 Partia Balli Kombëtar Demokrat 12,764
46 Partia Lëvizja për Zhvillim Kombëtar 2.643
TOTALI 11.688.148
Ky shkrim KQZ, 46 parti duhet të kthejnë 11.6 milionë lekë u publikua me pare te Gazeta SHQIP Online.