Deputeti i Partisë Socialiste dhe njëkohësisht kreu i grupit parlamentar, Gramoz Ruçi tha se ish-kryeministri Berisha theu rregulloren e Kuvendit.
“Vjen në Parlament dhe devijon rendin e ditës. Berisha nuk foli asnjë fjalë për marrëveshjen, por akuzoi kryeministrin si tradhtar. 20 vjet më parë deputetët e opozitës u dhunuan në shesh dhe një gazetar vdiq. Por ne nuk thamë asnjë fjalë për atë ngjarje, ndërsa ju akuzoni kryeministrin si kriminel.
Po tentohet të anashkalohet rendi i ditës. Berisha nuk foli asnjë fjalë për rendin e ditës. S’të kemi thënë asnjëherë tradhtar. Kjo është një tentativë për të shkatërruar rendin e ditës. Kërkoj që të thërrisni Byronë e Parlamentit për të përjashtuar deputetin Sali Berisha 10 ditë nga Kuvendit”, tha Ruçi.
26 maj 2016 (gazeta-Shqip.com)