Një aksident i rëndë më pasojë 2 të vdekur dhe 4 të plagosur është shënuar mëngjesin e sotëm në urën e Shkozetit në Durrës.
Një automjet tip ‘Peugeot’ me targa TR 4863 R, ku udhëtonin 6 të rinj ka dalë nga rruga dhe ka përfunduar rreth 50 metra larg, pranë oborrit të një shtëpie.
Për pasojë, 2 persona, identiteti i të cilëve nuk dihet humbën jetën, ndërsa 4 të tjerë mbetën të plagosur, nga të cilët një në gjendje të rëndë. Policia ka nisur hetimet për të zbardhur rrethanat e aksidentit të rëndë.
Viktimat e aksidentit janë:
1.A.S., 37 vjeç, banues në Shkozet;
2.V.M., 25 vjeç, banues në Shkozet.
Të dëmtuarit, të cilët janë jashtë rrezikut për jetën:
1. K.K., 19 vjeç, banues në Shkozet;
2. B.D., 29 vjeç, banues në Shkozet;
3. O.Sh., 30 vjeç, banues në Shkozet;
4. A.B., 25 vjeç, banues në Tiranë.
21 maj 2016 (gazeta-Shqip.com)