Quantcast
Channel: Kryesoret – Gazeta SHQIP Online
Viewing all articles
Browse latest Browse all 12748

Ndryshime në qeveri, shkarkohet Cani, Arben Ahmetaj ministër i Financave

$
0
0

Rama, Cani e AhmetajKryeministri Edi Rama ka bërë lëvizje në kabinetin e tij qeveritar, duke bërë ndryshime në dy ministri. Më konkretisht, ministri i Financave, Shkëlqim Cani është larguar dhe në vend të tij është vendosur ministri i Ekonomisë, Arben Ahmetaj. Ndërkohë ministria e Ekonomisë i është besuar ish-zëvendësministres së Shëndetësisë, Milva Ekonomi.

“Kryeministri Edi Rama i shprehu sot ministrit të Financave Shkëlqim Cani, falënderimet e tij për angazhimin, profesionalizmin dhe integritetin e plotë në kryerjen e njërës prej detyrave më të vështira qeverisëse të këtij mandati.

Kryeministri e informoi ministrin Cani për vendimin e zëvendësimit të tij me një koleg tjetër dhe i kërkoi vazhdimin e angazhimit të tij, me të njëjtin profesionalizëm e përkushtim, si deputet i Kuvendit të Shqipërisë dhe anëtar i Komisionit të Ekonomisë e Financave.

Ministri Cani e falënderoi nga ana e tij Kryeministrin për besimin dhe bashkëpunimin e ngushtë në kapërcimin me sukses të situatës së rëndë financiare, të trashëguar dy vjet e gjysmë më parë, si edhe e siguroi për vazhdimin me përkushtim të plotë të angazhimit të tij politik e profesional si deputet i Kuvendit të Shqipërisë.

Detyrën e Ministrit të Financave, Kryeministri do t’ia besojë Z. Arben Ahmetaj, ndërsa detyrën e Ministrit të Ekonomisë, Turizmit, Tregtisë dhe Sipërmarrjes do t’ia besojë Znj. Milva Ekonomi”, thuhet në njoftimin zyrtar të Kryeministrisë.

16 shkurt 2016 (gazeta-Shqip.com)


Viewing all articles
Browse latest Browse all 12748


<script src="https://jsc.adskeeper.com/r/s/rssing.com.1596347.js" async> </script>