Për shkak të motit të keq, kryeqyteti po vuan mungesën e ujit të pijshëm. Drejtoria e Ujësjellës Kanalizimeve në Tiranë, njofton se shkak janë problemet në impiantin e Bovillës.
“UKT njofton të gjithë qytetarët e Tiranës, se si pasojë e kushteve të rënda atmosferike të ditës së djeshme ka turbulencë në Liqenin e Bovillës, për këtë arsye impianti i Bovillës ka mungesë të furnizimit me ujë.
Zonat të cilat nuk furnizohen momentalisht me ujë të pijshëm janë: Kinostudio; Zona e Xhamllikut; Allias; Pazari i Ri; 5 Maji; Laprakë; Rr. e Kavajës; Rr. e Durrësit. Stafi i UKT-së po punon intensivisht për kthimin në normalitet të situatës!”, thuhet në njoftimin zyrtar të UKT-së.
23 nëntor 2015 (gazeta-Shqip.com)
Ky shkrim Probleme në impiantin e Bovillës, Tirana mbetet pa ujë të pijshëm u publikua me pare te Gazeta SHQIP Online.